ბურის წესები

მოთამაშეები და კარტი

თამაშობს 36 კარტით (6-დან ტუზამდე, ოთხი ფერი). 2×2 თამაშში პირველი და მესამე ადგილი ერთ გუნდშია, მეორე და მეოთხე — მეორეში. ყველა მოთამაშე იღებს 5 კარტს; დასტის გვერდით გადმობრუნებული კარტი კოზირს აჩვენებს.

ქულები

დასტაში სულ 120 ქულაა. რაუნდს იგებს გუნდი, რომელიც 61 ან მეტ ქულას აიღებს; 60–60 ფრედ ითვლება და ფსონი შემდეგ რაუნდზე გადადის.

სვლა

მწყობი ჩამოდის ერთი ან რამდენიმე ერთი ფერის კარტით. დანარჩენები იმდენივე კარტს დებენ. ხელის წასაღებად ყოველი კარტი უნდა გადაიფაროს იმავე ფერის უფროსი კარტით ან კოზირით; თუ ვერ გადაფარავ, შეგიძლია ნებისმიერი კარტი გადააგდო. ხელის შემდეგ ყველა დასტიდან ავსებს ხელს.

აწევა: დავი, სე, ჩარი, ფანჯი, შაში

საკუთარ სვლაზე შეგიძლია ფსონი აწიო: დავი (2) → სე (3) → ჩარი (4) → ფანჯი (5) → შაში (6). მოწინააღმდეგე იღებს ან უარს ამბობს; შეუძლია კონტრ-აწევაც, რაც მიმდინარე ფსონის მიღებას და შემდეგის შეთავაზებას ნიშნავს. 2×2-ში რაუნდი მხოლოდ ორივე მოწინააღმდეგის უარით მთავრდება და ამწევ გუნდს წინა ფსონი ეწერება.

„ვარ“, მალიუტკა და ხუთი კოზირი

• ვარ — თუ ფიქრობ, რომ 61 ქულა უკვე აიღე, გამოაცხადე. სწორ განცხადებას რაუნდი მოაქვს, არასწორს — წაგება.
• მალიუტკა — ერთი არაკოზირი ფერის ხუთი კარტი რიგის გარეშეც შეიძლება ჩამოიტანო.
• ბურა — ხუთი კოზირის შეგროვების შემდეგ დააჭირე „ბურა“-ს: ხუთივე კარტი მაგიდაზე დაიდება და რაუნდს მიმდინარე ფსონით მოიგებ. ხუთი კოზირის ქონა თავისთავად რაუნდს არ ასრულებს.
• მაგიდის შექმნისას შეგიძლია აირჩიო მალიუტკა რიგით თუ ურიგოდ და ნებადართულია თუ არა ბურაზე დავი. ნაგულისხმევად მალიუტკა ურიგოდაა, ბურაზე დავი კი აკრძალულია.

მატჩი და 1×1 დუელი

მატჩი გრძელდება 3, 5, 7 ან 11 ქულამდე — ამას მაგიდის შემქმნელი ირჩევს. 1×1 ხუთკარტიანი დუელი იმავე წესებით მიმდინარეობს. სამკარტიან დუელში 20 კარტია (ვალეტიდან ტუზამდე), ხელში — 3 კარტი, და რაუნდის მოსაგებად საკუთარ სვლაზე 31 ქულა ან სამი კოზირი უნდა გამოაცხადო.