ჯოკრის წესები

კარტი და ფორმატები

36 კარტი, სადაც ორ შავ ექვსიანს ორი ჯოკერი ცვლის. ჯოკერი შეიძლება ჩამოხვიდე როგორც უმაღლესი ან როგორც უმდაბლესი.

• სტანდარტული — 24 დარიგება: 1-დან 8 კარტამდე, ოთხი ცხრიანი, 8-დან 1-მდე და კიდევ ოთხი ცხრიანი.
• ცხრიანები — ოთხი ნაკრები, თითოში ოთხი ცხრაკარტიანი დარიგება.

ცხრაკარტიან დარიგებაზე ჯერ სამი კარტი ირიგდება; დამრიგებლის შემდეგი მოთამაშე ირჩევს კოზირს ან უკოზიროს, შემდეგ დანარჩენი ექვსი კარტი იხსნება და იწყება შეკვეთა.

შეკვეთა და ქულები

• ზუსტი შეკვეთა: 50 ქულა თითო ხელზე + 50.
• ყველა ხელის შეკვეთა და აღება: 100 ქულა თითო ხელზე.
• შეკვეთის ჩაგდება: 10 ქულა თითო აღებულ ხელზე.
• ხიშტი — თუ რამე შეუკვეთე და ვერცერთი ხელი ვერ აიღე: −200, −500 ან „საცა წამოგეწევა“ (−100 თითო დარიგებულ კარტზე). ეს მაგიდის შექმნისას ირჩევა.

ქულები ჩანაწერში ჯოკრის ტრადიციული ფორმით იწერება: 180 ქულა — 1.8.

პრემია და მოშლა

ყოველი ნაკრების ბოლოს მოთამაშე, რომელმაც ყველა შეკვეთა ზუსტად შეასრულა, თავის საუკეთესო დარიგების ქულას კიდევ ერთხელ იღებს (×2). ვინც შეკვეთა ჩააგდო, მისი ყველაზე მაღალი დადებითი ქულა იშლება.

წყვილები 2×2

წყვილებში პირველი და მესამე ადგილი მეორე და მეოთხეს ეთამაშება. ყველა თავის შეკვეთას თვითონ ასრულებს, ბოლოს კი წყვილის ქულები იკრიბება და იმარჯვებს წყვილი უფრო მაღალი ჯამით.